O Programa Eco-Labora de Inclusión Sociolaboral e Transición ao Emprego está pensado para persoas en risco ou situación de exclusión social no concello da Coruña e a súa comarca. Combina acollida, deseño, formación e acompañamento, adaptando itinerarios segundo as circunstancias persoais para a mellora das capacidades persoais e sociais e de accións que promovan o acceso e a permanencia no mercado laboral.

Trátase dunha intervención integral, estruturada arredor dunha serie de liñas comúns que permiten organizar e articular de maneira coherente as distintas actuacións, garantindo o cumprimento das prestacións para o apoio á inclusión sociolaboral e a transición ao emprego. 

Neste programa realizamos unha diagnose social e itinerarios personalizados, un acompañamento social e xurídico Integral, formacións, facilitamos ferramentas para a activación para o emprego e o emprendemento e creamos espazos grupais de coidado, apoio mutuo, liderado e participación comunitaria.